The First Lao Artists Honor Ranked Ceremony
Posted on 20. May, 2011 by GraphicME Teamwork in Featured, World News
ຖືວ່າເປັນຂ່າວດີສຳລັບສິນລະປິນລາວຜູ້ຊົງຄຸນນະວຸດ ໃນສາຂາຕ່າງໆ ເນື່ອງຈາກທາງກະຊວງຖະແຫລງຂ່າວ ແລະ ວັດທະນະທຳຈະໄດ້ຈັດພິທີມອບນາມມະຍົດ ໃຫ້ກັບສິນລະປິນ ຜູ້ສ້າງສັນຜົນງານ ອັນມີຄຸນຄ່າ ໃຫ້ກັບຊາດລາວຂອງພວກເຮົາ ເຊິ່ງພິທີດັ່ງກ່າວນີ້ຈະໄດ້ຈັດຂຶ້ນໃນຄ່ຳຄືນວັນທີ 25 ພຶດສະພາ 2011 ນີ້ ທີ່ຫໍວັດທະນະທຳແຫ່ງຊາດ ສາມາດເຂົ້າຮ່ວມຊົມໂດຍບໍ່ເສຍຄ່າ.
ການມອບລາງວັນນາມມະຍົດຄັ້ງປະຫວັດສາດນີ້ ແບ່ງອອກເປັນ ສາມ ຂະແຫນງໃຫຍ່ ຄື
- ວິຈິດສິນ
- ວັນນະກຳ
- ການສະແດງ
ໂດຍແບ່ງເປັນ ສອງ ປະເພດຄື
- ສິນລະປິນດີເດັ່ນ
- ສິນລະປິນແຫ່ງຊາດ
ຈຳນວນຜູ້ທີ່ໄດ້ຮັບນາມມະຍົດມີດັ່ງນີ້
- ສິນລະປິນດີເດັ່ນສາຂາວິຈິດສິນມີ 12 ທ່ານ ຍິງ 2 ທ່ານ
- ສິນລະປິນດີເດັ່ນສາຂາວັນນະກຳມີ 20 ທ່ານ ຍິງ 2 ທ່ານ
- ສິນລະປິນດີເດັ່ນສາຂາການສະແດງມີ 55 ທ່ານ ຍິງ 23 ທ່ານ
- ສິນລະປິນແຫ່ງຊາດສາຂາວິຈິດສິນ ມີ 15 ທ່ານ (ຜູ້ຊາຍທັງຫມົດ)
- ສິນລະປິນແຫ່ງຊາດສາຂາວັນນະກຳມີ 10 ທ່ານ ຍິງ 1 ທ່ານ
- ສີນລະປິນແຫ່ງຊາດສາຂາການສະແດງມີ 37 ທ່ານ ຍິງ 9 ທ່ານ
ສຳລັບຜູ້ທີ່ໄດ້ຮັບນາມມະຍົດເປັນສິນລະປິນແຫ່ງຊາດ ໃນຈຳນວນ 62 ທ່ານ ຈະໄດ້ຮັບລາງວັນເປັນເງິນສົດ ຜູ້ລະ 5.000.000 ກີບ ແລະ ຜູ້ທີ່ໄດ້ຮັບນາມມະຍົດເປັນສິນລະປິນດີ ເດັ່ນຈຳນວນ 87 ທ່ານ ຈະໄດ້ຮັບລາງວັນເປັນເງິນສົດ ຜູ້ລະ 3.000.000 ກີບ.
ຜູ້ທີ່ຈະໄດ້ຮັບນາມມະຍົດສິນລະປິນດີເດັ່ນນີ້ ຕ້ອງໄດ້ຜ່ານການປະຕິບັດຫນ້າທີ່ວຽກງານນັບ 10 ປີຂຶ້ນໄປ ພ້ອມທັງມີຜົນງານ ໂດດເດັ່ນຕົວຈິງ ທາງດ້ານວຽກງານວິຊາການ ທີ່ຕົນເອງຮັບຜິດຊອບ ເປັນທີ່ຍອມຮັບຂອງສັງຄົມ, ນາມມະຍົດນີ້ເປັນນາມມະຍົດທາງ ດ້ານວິຊາການ. ໃນ 2 ປີໃດຈະຈັດພິທີມອບນາມມະຍົດ ໃຫ້ສິນລະປິນດີເດັ່ນຂຶ້ນເທື່ອຫນຶ່ງ, ໃນເທື່ອນີ້ສິນລະປິນກິດຕິມະສັກລະດັບ ຊາດຈະໄດ້ຮັບລາງວັນມີ ທ່ານ ໄກສອນ ພົມວິຫານ ສາຂາສິນລະປະກຳ, ສະເດັດເຈົ້າ ສຸພານຸວົງ ໄດ້ຮັບລາງວັນສາຂາ ສະຖາປັດຕະຍະກຳ, ທ່ານ ພູມີ ວົງວິຈິດ ໄດ້ຮັບລາງວັນສາຂາວັນນະກຳ ນອກຈາກນັ້ນກໍ່ຍັງມີສິລະປິນຜູ້ອື່ນໆອີກໄດ້ຮັບລາງວັນ ເຊັ່ນດຽວກັນ.
ບົດຄວາມອື່ນໆ:
