The Color Theme of Famous Websites in the World
Posted on 08. Dec, 2010 by GraphicME Teamwork in Article, Internet Life
ບົດຄວາມນີ້ ແມ່ນໄດ້ເກັບເລື່ອງລາວ ແນວໂນ້ມການເລືອກສີຂອງເວັບໄຊຕ໌ແບຣນດ໌ດັງໆ ເທິງອິນເຕີເນັດໃນທົ່ວໂລກ ມາຝາກ ອາດຈະພໍເປັນແນວທາງ ໃຫ້ກັບຜູ້ທີ່ສົນໃຈ ໃນການອອກແບບເວັບໄຊຕ໌, ມາເບິ່ງກັນວ່າ ບັນດາເວັບໄຊຕ໌ເຫລົ່ານີ້ມີແນວໂນ້ມສີໄປໃນທິດທາງໃດກັນ.
ທາງເວັບໄຊຕ໌ Colourlovers ໄດ້ທຳການເກັບຂໍ້ມູນ 100 ອັນດັບເວັບດັງດ້ວຍເຄື່ອງມື Twitter ຂອງພວກເຂົາ ແລ້ວນຳມາເຮັດເປັນ Infographic (ເປັນການນຳສະເໜີຂໍ້ມູນດ້ວຍຮູບພາບ ເຊັ່ນ ກຣາຟ ຕາຕະລາງ ເຮັດໃຫ້ຄົນສົນໃຈຢາກອ່ານຂໍ້ມູນຫລາຍຂຶ້ນ)
ສາມາດເບິ່ງ Infographic ທີ່ວ່ານີ້ດ້ານລຸ່ມໄດ້ເລີຍ ຄລິກທີ່ຮູບເພື່ອເບິ່ງຮູບໃຫຍ່
ໃນກຣາຟເຄິ່ງວົງມົນອັນໃຫຍ່ດ້ານເທິງສຸດ ຈະເຫັນໄດ້ເລີຍວ່າ ສີທີ່ແບຣນດ໌ດັງຕ່າງໆ ເລືອກໃຊ້ຫລາຍທີ່ສຸດກໍຄື ສີແດງ ກັບ ສີຟ້າ ໂດຍຖ້າຕາມຫລັກທິດສະດີສີ (Color Theory) ແຕ່ລະສີມີຄວາມຫມາຍດັ່ງນີ້:
ສີແດງ ສື່ເຖິງ ພະລັງ, ຄວາມຫລົງໄຫລ, ໄຟທີ່ຮ້ອນແລງ, ຄວາມຕື່ນເຕ້ນ, ຄວາມສຳຄັນ
ສີຟ້າ ສື່ເຖິງ ຄວາມສະຫງົບ, ຄວາມຫມັ້ນຄົງ, ຄວາມຊຳນານ, ຄວາມເຊື່ອຖື
ຢ່າງໃດກໍຕາມ ບໍ່ມີຫຍັງສະຫລຸບໄດ້ວ່າການເລືອກໃຊ້ສີໃດຈາກສອງສີນີ້ຈະເຮັດໃຫ້ເວັບໄຊຕ໌ປະສົບຄວາມສຳເລັດ ເພາະຈາກທີ່ທາງເວັບໄຊຕ໌ Colourlovers ເຄີຍຖາມ Mark Zuckerberg ໜຶ່ງໃນເຈົ້າຂອງເວັບໄຊຕ໌ຊື່ດັງ Facebook.com ວ່າ ເປັນຫຍັງເຖິງເລືອກໃຊ້ສີຟ້າເປັນສີຂອງເວັບໄຊຕ໌ ລາວກໍຕອບງ່າຍໆ ວ່າ “ຂ້ອຍເປັນຄົນຕາບອດສີ ສີຟ້າເປັນສີດຽວທີ່ຂ້ອຍເຫັນ”
ສິ່ງໜຶ່ງທີ່ບອກໄດ້ກໍຄື ສີຟ້າ ແລະ ສີແດງຈະຍັງຄົງເປັນສີທີ່ແບຣນດ໌ສ່ວນໃຫຍ່ເລືອກມາໃຊ້ ເພາະຈາກທີ່ນິຕະຍະສານ Wired ເຄີຍເກັບຂໍ້ມູນເມື່ອ 7 ປີກ່ອນ(ປີ 2003) ກໍພົບວ່າສີທີ່ແບຣນດ໌ສ່ວນໃຫຍ່ເລືອກໃຊ້ອັນດັບ 1 ຄືສີຟ້າ ແລະຕາມມາຕິດໆດ້ວຍ ສີແດງ
ນອກຈາກເລື່ອງຂອງສີທີ່ຖືກໃຊ້ຫລາຍທີ່ສຸດແລ້ວ ໃນຮູບ Infographic ດ້ານເທິງກໍຍັງບອກອີກວ່າ ເວັບໄຊຕ໌ແນວຄ້າຍໆກັນ ຈະໃຊ້ສີຈາກໂຊນໃກ້ຄຽງກັນ ຕົວຢ່າງເຊັ່ນ ເວັບໄຊຕ໌ແນວ Social Network ຢ່າງ Facebook, Twitter, Myspace ກໍໃຊ້ສີຟ້ານຳກັນທັງນັ້ນ.
ແລ້ວເວັບໄຊຕ໌ຫລືບລັອກຂອງເຈົ້າເດ ? ເລືອກໃຊ້ສີໃດກັນ
ແປບົດຄວາມຈາກ colourlovers.com ຜ່ານ designil.com
ບົດຄວາມອື່ນໆ:
