Four Lao Fonts : New Year Gifts for Graphicme Fans

Posted on 31. Dec, 2010 by GraphicME Teamwork in Article, Blog News, Featured, Fonts

ກ່ອນອື່ນຕ້ອງຂໍຂອບໃຈທຸກໆກຳລັງໃຈ ຈາກທຸກໆຄົນທີ່ຕິດຕາມແລະມີສ່ວນຮ່ວມກັບທາງ graphicme ມາໂດຍຕະຫລອດ ເຖິງວ່າທາງເວັບໄຊຕ໌ຈະກ້າວໄປແບບຊ້າໆ ຕາມເງື່ອນໄຂຕ່າງໆນາໆກໍຕາມ, ມາຮອດມື້ນີ້ທາງ ລາວກຣາຟິກສເປຊ ກໍກຳລັງກ້າວເຂົ້າສູ່ເດືອນທີເກົ້າ ເຊິງຖືວ່າຍັງເປັນນ້ອງຫມູ່ ສົດໆ ໃຫມ່ໆ ໃນວົງການເວັບໄຊຕ໌ລາວເຮົາ ເນື່ອງໃນໂອກາດປີໃຫມ່ທີ່ຈະມາຮອດນີ້ graphicme ມີຂອງຂວັນເລັກໆນ້ອຍໆ ນັ້ນຄື ຟອນຕ໌ລາວ ຈາກສະມາຊິກ ແລະ ຟອນຕ໌ຊຸດໃຫມ່ຈາກ graphicme.com ມາມອບໃຫ້.

iroza dinjee

ເລີ່ມຈາກ iroza dinjee ຟອນຕ໌ຈາກ ສະມາຊິກ iroza , ອັນນີ້ເພີ່ນບໍ່ໄດ້ບອກມາວ່າເປັນຫຍັງຕ້ອງຕັ້ງຊື່ວ່າດິນຈີ່ ແຕ່ຈາກທີ່ສັງເກດ ຫນ້າຈະມາຈາກ ຟອນຕ໌ມີລັກສະນະຫລາຍຫລ່ຽມ ເຫມືອນດິນຈີ່ແຕກ (ມົ້ວໄດ້ອີກ) ຈັ່ງໃດຄັນເຈົ້າຕົວເຂົ້າມາ ກໍຢ່າລືມມາຊື້ແຈງແດ່ເນີ້

So7rus Laos VT

ຕົວທີສອງ So7rus Laos VT ຟອນຕ໌ຈາກ ສະມາຊິກ So7rus , ຟອນຕ໌ລາວຕົວຫນາ ເປັນບລັອກສີ່ຫລ່ຽມ ແຕ່ອ່ອນໄຫວນຸ້ມນວນດ້ວຍປາຍ ແລະ ຂໍ້ຫັກຕໍ່ທີ່ພິ້ວ ເຫມາະແກ່ການເກັບສະສົມອີກຕົວຫນື່ງ.

Lao-English

ຖັດມາ Lao-English ຈາກ graphicme ຫນື່ງໃນຟອນຕ໌ຊຸດໃຫມ່ ນັ້ນກໍຄື Lao International Fonts Pack, ເປັນຟອນຕ໌ທີ່ພະຍາຍາມຈັບອັນສອນອັງກິດ ມາລົງໃນອັນສອນລາວ ເບິ່ງແລ້ວກໍຕະຫລົກດີ ເຫມາະເປັນຟອນຕ໌ທາງເລືອກ.

Lao-Korean

ຕົວສຸດທ້າຍ Lao-Korean ຢູ່ໃນຊຸດດຽວກັນກັບຕົວຂ້າງເທິງ, ເປັນຟອນຕ໌ລາວເຊື້ອສາຍເກົາຫລີ ແຕ່ທັງຊຸດຍັງຄົງຕົວເລກແບບລາວໄວ້ ເພື່ອສື່ເຖິງເອກະລັກຂອງຕົວພາສາ ເຫມາະແກ່ການໃຊ້ເປັນຟອນຕ໌ທາງເລືອກອີກຕົວຫນຶ່ງ.

​ບົ​ດຄວາມ​ອື່ນໆ:

Tags: download, Featured, font, free, gift, graphicme, lao, member